სურსათის ეროვნული სააგენტოს სერვისები უქმე დღეებში ხელმისაწვდომი იქნება, - ინფორმაციას აღნიშნულის შესახებ სააგენტო ავრცელებს.

სააგენტოს ინფორმაციით, „უქმე დღეების განსაზღვრის შესახებ“ საქართველოს მთავრობის 2023 წლის 25 დეკემბრის №500 დადგენილებით, 2024 წლის 3 იანვრიდან 5 იანვრის ჩათვლით, სურსათის ეროვნული სააგენტო შეუფერხებლად განახორციელებს შემდეგ საქმიანობებს: ექსპორტ-იმპორტისათვის შესაბამისი სერტიფიკატების და ნებართვების გაცემა; ცხოველთა სასაკლაოზე ვეტერინარული ზედამხედველობა და სახელმწიფო კონტროლი ადამიანის/ცხოველის ჯანმრთელობაზე პირდაპირი რისკების არსებობისას.

„სურსათის ეროვნული სააგენტოს თანამშრომლები აღნიშნულ საქმიანობებს ქვეყნის მასშტაბით, განსაზღვრული სამუშაო გრაფიკის შესაბამისად შეასრულებენ“, - აცხადებენ სააგენტოში.