23-24 დეკემბერს გორი ჭადრაკში შიდა ქართლის საახალწლო ტურნირს უმასპინძლებს.

შეჯიბრში მონაწილეობა 8-დან 14 წლამდე ასაკის მოთამაშეებს შეუძლიათ.

მსურველებმა დაბადების მოწმობის ასლი და სატურნირო შენატანის გადარიცხვის დოკუმენტი ელექტრონულ მისამართზე: cialaqasoshvili @ gmail . com უნდა გადააგზავნონ. დოკუმენტაციის მიღების ბოლო ვადა 22 დეკემბრის 18:00 საათია.

რაც შეეხება პრიზიორებს, პირველ ადგილზე გასული მოჭადრაკეები თასებით, მედლებით და დიპლომებით დაჯილდოვდებიან. მეორე და მესამე ადგილის მფლობელებს კი მედლები და დიპლომები გადაეცემათ.

ტურნირი შიდა ქართლის რეგიონალური ჭადრაკის ფედერაციის ორგანიზებით გაიმართება.