კულტურა
04.05.2022 10:06
დღეს, გორის თეატრის სკვერში, ამერიკული ჯაზ-ბენდი კონცერტს გამართავს
ამერიკული ჯაზ-ბენდი - „Rhine River Ramblers“, გიორგი ერისთავის სახელობის გორის სახელმწიფო დრამატული თეატრის სკვერში დღეს, 4 მაისს, 16:30 საათზე კონცერტს გამართავს.
კონცერტი ამერიკის შეერთებული შტატებისა და საქართველოს დიპლომატიური ურთიერთობების 30 წლისთავის აღსანიშნავად, ასევე უკრაინის სოლიდარობის ნიშნად იმართება.
ამერიკული სამხედრო ჯაზ-ბენდი კონცერტები საქართველოს სხვადასხვა რეგიონში იგეგმება. ღონისძიებები აშშ-ის სახელმწიფო დეპარტამენტის მიერაა ორგანიზებული.
ამასთან, კონცერტის დაწყებამდე, „Rhine River Ramblers“ წევრები გორის საჯარო ბიბლიოთეკაში სტუდენტებსა და ახალგაზრდებთან შეხვედრას გამართავენ.
