გარემოს ეროვნული სააგენტოს ინფორმაციით, უახლოესი დღეების განმავლობაში, გორის მუნიციპალიტეტში არასტაბილური ამინდი და ტემპერატურის კლებაა მოსალოდნელი.

27 მარტს, გორში, 19 საათამდე ნავარაუდევია ღრუბლიანობა და ნალექი, ჰაერის მაქსიმალური ტემპერატურა კი +12 გრადუსს მიაღწევს.

უნალექო ამინდი და +20 გრადუსია მოსალოდნელი გორში 28 მარტს.

სინოპტიკოსების ინფორმაციით, +19 გრადუსი, ღრუბლიანობა და ნალექია ნავარაუდევი მუნიციპალიტეტში 29 მარტს.

დღისით +7, ღამის საათებში კი +2 გრადუსი და ნალექია (წვიმის და თოვლჭყაპის სახით)  ნავარაუდევი გორში 30 მარტს, პარალელურად, მოსალოდნელია ქარი 12 მ/წ-მდე.

მხოლოდ +5, ღრუბლიანობა და ნალექია (წვიმის და თოვლჭყაპის სახით) ნავარაუდევი გორში 31 მარტს მთელი დღის განმავლობაში.  

1-ლიდან 4 აპრილამდე კი, გორის მუნიციპალიტეტის ტერიტორიაზე მოსალოდნელია უნალექო ამინდი, თუმცა, ღამის საათებში მოსალოდნელია ტემპერატურის 0, -1 გრადუსამდე დაცემა.